വനിതാ വിഭാഗം ചാംപ്യൻപട്ടം മേഴ്സി കോളജ് തിരിച്ചു പിടിച്ചു

തേഞ്ഞിപ്പലം കാലിക്കറ്റ് സർവകലാശാലാ അത്ലറ്റിക് മീറ്റിൽ പാലക്കാട് മേഴ്സി കോളജിന്റെ വമ്പൻ തിരിച്ചുവരവ്. വർഷങ്ങളുടെ ഇടവേളയ്ക്കുശേഷം വനിതാ വിഭാഗം ചാംപ്യൻപട്ടം മേഴ്സി കോളജ് തിരിച്ചു പിടിച്ചു. 2017-18 അധ്യയന വർഷത്തിലായിരുന്നു ഇതിനു മുൻപ് മേഴ്സി കോളജ് വനിതാ വിഭാഗം ചാംപ്യന്മാരായത്. 8 സ്വർണവും 6 വെള്ളിയും 4 വെങ്കലവും ഉൾപ്പെടെ 72 പോയിന്റാണ് ഇത്തവണ കോളജിന്റെ സമ്പാദ്യം.

രണ്ടാം സ്ഥാനത്തെത്തിയ ക്രൈസ്റ്റ് കോളജുമായി ഇഞ്ചോടിഞ്ചു പോരാട്ടം തന്നെ മേഴ്സി കോളജ് കിരീടത്തിനായി കാഴ്ചവച്ചു. വൈകിട്ടു നടന്ന 4*400 മീറ്റർ റിലേ വരെ ഇവരിൽ ആരാകും വനിതാവിഭാഗം ചാംപ്യന്മാരെന്ന കാര്യത്തിൽ തീർച്ചയുണ്ടായിരുന്നില്ല. ആര് ഈ റിലേ ജയിക്കുന്നുവോ അവർ ചാംപ്യന്മാരാകുമെന്നതായിരുന്നു സ്ഥിതി. വാശിയോടെ കുതിച്ച മേഴ്സിയുടെ താരങ്ങൾ ഈ റിലേ മത്സരം മാത്രമല്ല, വനിതാവിഭാഗം കിരീടവും സ്വന്തമാക്കി. 20 അംഗ ടീമാണ് ഇത്തവണ മേഴ്സിക്കായി കളത്തിലിറങ്ങിയത്. മേളയിലെ മികച്ച വനിതാ അത്ലീറ്റായി തിര : ഞ്ഞെടുക്കപ്പെട്ട എസ്. മേഘയും മേഴ്സിയുടെ താരം തന്നെ.

കായിക വിഭാഗം മേധാവി ഡോക്ടർ പി എ ശ്രീജിത്തിന്റെ നേതൃത്വത്തിൽ പാലക്കാട് ഒളിംപിക് അക്കാദമി – യിലെ ഹരിദാസ്, അർജുൻ ഹരി – ദാസ് എന്നിവരും കെ.സുരന്ദ്രൻ, ബിശ്വജിത്ത്, രമേഷ് കോട്ടായി എന്നിവരടങ്ങുന്ന പരിശീല കസംഘമാണ് ഈ നേട്ടത്തിനു പിന്നിൽ.

കോളേജുകളിൽ നടക്കുന്ന ഇത്തരം പ്രോഗ്രാമുകളെക്കുറിച്ചറിയുവാൻ  ഞങ്ങളുടെ WhatsApp ഗ്രൂപ്പിൽ Join ചെയ്യൂ….

Content on www.CampusRound.com comes from various individuals and colleges. We are not responsible for this content.