സമൃദ്ധി: ഓണം ഫെയർ 2025 @ St. Thomas College (Autonomous), Thrissur

ഈ ഓണക്കാലം നമുക്ക് ആഘോഷിക്കാം സമൃദ്ധമായി, സമൃദ്ധിയോടൊപ്പം” എന്ന സന്ദേശത്തോടെ സെന്റ് തോമസ് കോളേജ് (ഓട്ടോണമസ്), തൃശൂരിലെ Entrepreneurship Development Club സംഘടിപ്പിച്ച “സമൃദ്ധി: ഓണം ഫെയർ 2025” ഓഗസ്റ്റ് 26, 2025, ചൊവ്വാഴ്ച പാലോക്കാരൻ സ്ക്വയറിൽ ഉത്സവാഘോഷത്തോടെ നടന്നു. ഉച്ചയ്ക്ക് 12 മണിമുതൽ ആരംഭിച്ച ഓണവിപണി, വിദ്യാർത്ഥികളുടെ സൃഷ്ടിപരമായ ആശയങ്ങളും സംരംഭക കഴിവുകളും കലർന്ന, ആഘോഷത്തിന്റെ നിറപ്പകിട്ടും പങ്കാളിത്തത്തിന്റെ ആവേശവും ഒരുമിച്ചുചേർന്ന സമ്പന്നമായ ഓണാനുഭവമായി മാറി. സ്റ്റാളുകളിൽ നിന്നു ലഭ്യമായ വൈവിധ്യമാർന്ന ഉൽപ്പന്നങ്ങൾ സന്ദർശകരെ ആകർഷിക്കുകയും, പഠനത്തെയും യഥാർത്ഥ ജീവിതാനുഭവങ്ങളെയും കൂട്ടിയിണക്കിയ ഒരു സാംസ്കാരിക-വാണിജ്യ വേദിയായി മേള മാറുകയും ചെയ്തു.ED Club അംഗങ്ങൾ ഒരുക്കിയ സ്റ്റാളുകളിൽ നിന്നും സന്ദർശകർക്ക് വൈവിധ്യമാർന്ന ഉൽപ്പന്നങ്ങൾ സ്വന്തമാക്കാനുള്ള അവസരം ലഭിച്ചു.വിദ്യാർത്ഥികളിൽ നിന്നും ശേഖരിച്ച ഓർഗാനിക് പച്ചക്കറികളും പഴവർഗങ്ങളും സുഗന്ധമസാലകളും ആരോഗ്യകരമായ ജീവിതശൈലി പിന്തുടരുന്നവരെ ആകർഷിച്ചു. അതിനോടൊപ്പം, നാടൻ പലഹാരങ്ങളും പരമ്പരാഗത വിഭവങ്ങളും വിവിധതരം പലഹാരങ്ങളും ഓണാഘോഷത്തിന്റെ രുചിയെ വീണ്ടും ഓർമ്മിപ്പിച്ചു. വിദ്യാർത്ഥികളുടെ സ്വന്തം കൈപ്പണികൾകൊണ്ടുള്ള ആഭരണങ്ങൾ, കരകൗശല വസ്തുക്കൾ എന്നിവ സന്ദർശകരുടെ ശ്രദ്ധ പിടിച്ചുപറ്റി. ഈ വൈവിധ്യം നിറഞ്ഞ ഓണക്കച്ചവടം, വിദ്യാർത്ഥികൾക്ക് സംരംഭക കഴിവുകൾ വളർത്താനും, ആശയങ്ങൾ വിപണിയിൽ അവതരിപ്പിക്കാനും, പഠനത്തെ യഥാർത്ഥ ജീവിതാനുഭവങ്ങളുമായി ബന്ധിപ്പിക്കാനും അപൂർവ്വമായൊരു അവസരം ഒരുക്കി എന്നതാണ് പരിപാടിയെ ഏറ്റവും ശ്രദ്ധേയമാക്കിയത്. തൃശൂർ ജില്ലാ വ്യവസായ കേന്ദ്രത്തിലെ Industries Extension Officer ഡോ. ഇജ്ജാസ് അഹമ്മദ്യും കോളേജ് പ്രിൻസിപ്പൽ Rev. Dr. Martin K. A.യും ചേർന്ന് രാവിലെ 11.45-ന് മേള ഉദ്ഘാടനം ചെയ്തു. പരിപാടിയുടെ സംഘാടക ചുമതല വഹിച്ചത് ഫാക്കൽറ്റി കോർഡിനേറ്റർമാരായ Dr. Sindhu George, Dr. Jilna John എന്നിവരായിരുന്നു. സ്റ്റുഡന്റ് കോർഡിനേറ്റർമാരായ Susanna Mathew, Anamika N. B, Sandra S. Thekkekara, Jerome K. Joju, Jisu Roy എന്നിവർ മേളയുടെ വിവിധ ഘട്ടങ്ങൾ വിജയകരമായി നടപ്പിലാക്കുന്നതിൽ നിർണായക പങ്കുവഹിച്ചു.