ക്രൈസ്റ്റ് എൻജിനീയറിങ് കോളജിൽ ‘അസെന്റ് 2026’

ഇരിങ്ങാലക്കുട: ക്രൈസ്റ്റ് കോളജ് ഓഫ് എൻജിനീയറിങ് (ഓട്ടോണമസ്), ഇരിങ്ങാലക്കുടയിൽ ബി.ടെക് പ്രവേശനം ലക്ഷ്യമിടുന്ന വിദ്യാർഥികൾക്കായി സംഘടിപ്പിക്കുന്ന ‘അസെന്റ് 2026’ പ്രൊഫഷണൽ ഓറിയന്റേഷൻ പരിപാടിക്ക് ജൂലൈ 6-ന് തുടക്കമായി. കോളജ് പ്രിൻസിപ്പൽ ഡോ. പി. എ. സോളമൻ ഉദ്ഘാടനം ചെയ്തു. എക്സിക്യൂട്ടീവ് ഡയറക്ടർ ഫാ. ജോൺ പാലിയേക്കര സി.എം.ഐ. അധ്യക്ഷത വഹിച്ചു.

എൻജിനീയറിങ് പഠനത്തിനും തൊഴിൽരംഗത്തിനും ആവശ്യമായ പ്രൊഫഷണൽ നൈപുണികളും വ്യക്തിത്വ വികസനവും ലക്ഷ്യമിട്ടാണ് പരിപാടി സംഘടിപ്പിച്ചിരിക്കുന്നത്. വ്യവസായ സ്ഥാപനങ്ങളിലേക്കുള്ള സന്ദർശനം, ലൈഫ് സ്കിൽ പരിശീലനം, ആശയവിനിമയ നൈപുണി വികസനം, ടീം ബിൽഡിങ് ശിൽപശാലകൾ, ആർട്ടിഫിഷ്യൽ ഇന്റലിജൻസ് (എ.ഐ.) ടൂളുകളുടെ പരിചയപ്പെടുത്തൽ, റോബോട്ടിക്സ് പരിശീലനം എന്നിവ പരിപാടിയുടെ ഭാഗമായി നടക്കും.

വിദ്യാർഥികൾക്ക് അക്കാദമിക മികവിനൊപ്പം സാങ്കേതിക അവബോധവും നേതൃത്വശേഷിയും പ്രൊഫഷണൽ കഴിവുകളും വളർത്തിയെടുക്കാൻ സഹായിക്കുന്ന തരത്തിലാണ് ‘അസെന്റ് 2026’ ക്രമീകരിച്ചിരിക്കുന്നതെന്ന് കോളജ് അധികൃതർ അറിയിച്ചു.

കൂടുതൽ ക്യാമ്പസ്‌ വിശേഷങ്ങൾ അറിയുവാനും പങ്കുവെക്കാനും ഞങ്ങളുടെ വാട്സ്ആപ്പ് ഗ്രൂപ്പിൽ അങ്കമാകു…

Join our WhatsApp group for the latest campus updates

📢 Share your School/College News Here?
We love featuring student stories, event updates, and campus highlights from across the country! ✍️ Click here to publish your campus updates on CampusRound.com