മാള മെറ്റ്സ് കോളേജിൽ “യുവജന ദിനം” എൻഎസ്എസ് യൂണിറ്റിന്റെ നേതൃത്വത്തിൽ വിപുലമായി ആചരിച്ചു

തൃശൂർ, മാള, മെറ്റ്സ് സ്കൂൾ ഓഫ് എഞ്ചിനീയറിംഗിലെ നാഷണൽ സർവീസ് സ്കീം, യൂണിറ്റ് 300, തൃശ്ശൂരിലെ ആത്മ ഫൗണ്ടേഷനുമായി സഹകരിച്ച് ദേശീയ യുവജനദിനത്തോടനുബന്ധിച്ച് സംഘടിപ്പിച്ച “യുവജന വികസന-ക്ഷേമ പരിപാടി” ഇന്ന് വിജയകരമായി നടന്നു. യുവജനങ്ങളുടെ വ്യക്തിത്വവികസനവും മാനസികാരോഗ്യവും ലക്ഷ്യമിട്ടായിരുന്നു പരിപാടി.
പരിപാടി മെറ്റ്സ് സ്കൂൾ ഓഫ് എഞ്ചിനീയറിംഗിന്റെ പ്രിൻസിപ്പാൾ പ്രൊഫ. (ഡോ.) അംബികാദേവി അമ്മ ടി ഉദ്ഘാടനം ചെയ്തു. യുവജനങ്ങൾ സമൂഹത്തിൽ നേരിടുന്ന മാനസിക സമ്മർദ്ദങ്ങളും വെല്ലുവിളികളും ആത്മവിശ്വാസത്തോടെ നേരിടേണ്ടതിന്റെ ആവശ്യകത ഉദ്ഘാടന പ്രസംഗത്തിൽ അവർ ചൂണ്ടിക്കാട്ടി.
ആത്മ ഫൗണ്ടേഷൻ, തൃശ്ശൂർ നിന്നുള്ള സതീഷ് ഒ.എസ്, പാർവതി ഗണേശൻ, രേഷ്മി കെ, തന്മോയ് റോയ്, ഡാരൻ ജോസഫ് ഗോൺസാൽവെസ്, അനുശ്രീ കെ.എ എന്നിവർ ക്ലാസുകളും ഇന്ററാക്ടീവ് സെഷനുകളും നയിച്ചു. പ്രചോദനാത്മക സംവാദങ്ങൾ, ഗ്രൂപ്പ് ചർച്ചകൾ, മൈൻഡ്ഫുൾനസ് അധിഷ്ഠിത മാനസികാരോഗ്യ പ്രവർത്തനങ്ങൾ, സാമൂഹിക നെഗറ്റിവിറ്റിയും ബാഹ്യ സമ്മർദ്ദങ്ങളും കൈകാര്യം ചെയ്യുന്നതിനുള്ള സ്വയം നിയന്ത്രണ നൈപുണ്യങ്ങൾ, കരിയർ അവബോധന സെഷനുകൾ എന്നിവ പരിപാടിയുടെ ഭാഗമായി നടന്നു
വിദ്യാർത്ഥികളുടെ സജീവ പങ്കാളിത്തം പരിപാടിയുടെ പ്രത്യേകതയായി. ചോദ്യോത്തരങ്ങളിലൂടെയും ഗ്രൂപ്പ് ആക്റ്റിവിറ്റികളിലൂടെയും പരിപാടി ഏറെ പ്രസക്തവും പ്രയോജനപ്രദവുമായി.
എൻഎസ്എസ് പ്രോഗ്രാം ഓഫീസർ പ്രൊഫ്. രമേഷ് കെ.എൻ നന്ദി പ്രകാശനം നടത്തി.

🎓 Stay Connected with Campus Round!
Want the latest campus updates, student achievements, sports highlights, events, Campus News and more — right on your phone? 👉 Join our WhatsApp Group to never miss a story!

📢 Share your School/College News Here?
We love featuring student stories, event updates, and campus highlights from across the country! ✍️ Click here to publish your campus updates on CampusRound.com